Gedichte

Verstecken

Ostereier, Osterlamm,
Osterpinzen - kane Prinzen ...
Gibt's denn de nu - de Letzteren? -
I moa, i hab nu nia an g'sengn.
Wenn scho, dann in a Rolln verpackt -
doch mehr war's nia - drum hams versagt ...
Barbara Kiesl / 10.04.2014
Reimerei

Heit reim' ma uns koa G'satzl zam -
nur komisch, was ma da grad ham ...?!

Konsum

Willst du dir des jetzt wirkli gebn? -
a jeder rennt als gang's ums Lebn.
In Wirklichkeit brauchst eh nix ned -
alls was'd da hamzahst is nur bled.
Was willst mit dena ganzn Gschichtn -
auf Wichtigs brauchst ja ned verzichtn.
Doch muass des wirkli renna so? -
i g'spür es macht uns ned grad froh.
Ned lamentiern und schlechtredn d'Welt -
i mecht nur grad dass i's hab gmeld.
De Spatzn pfeiffn's eh kreuz-quer -
es aushaltn is halt troztdem schwer.
Barbara Kiesl / 10.04.2014