Lyrik von Peter Paul Wiplinger
do schwimm i
und schwimm i
so dahi im wossa
schau auffi
in blauen himmö
und deng ma dabei
jessas na
wia schee des is
so z’schwimma im wossa
und se säwa dabei
gschpian wia a fisch
so leicht und so frei
und deng ma a nu dabei
nana da Tod ist nu weit
is nu weit wegga vo mia
und long soiss nu dauan
bis a mi hoid und nu oft
mechat i so schwimma
wia hiazt
im woaman wossa
bei so an woiknlosn himmö
und i winsch ma
daß oiss nu long so bleibt
wias jetzt grod mit mia is
Wien, 26. 6. 2015
Nach 16 x 50 Meter Schwimmen im Stadionbad
