Gedichte von Herbert Eliasch
Mehr ois ma braucht
Hod ana mehr, ois wos a braucht
Daun gibts zwa Typen, schau genauer:
Der ane baut an größern Tisch
Der aundere a hohe Mauer
Zu teia
Prozente, Aktionen und Ausverkauf
Ollas so billig und doch zoist oft drauf
Denn es is so, söbst wennst zahlst ohne Steia
Wennst kaufst wosd ned brauchst, is immer zu teia
Ned bei mir
Mehr Windpark Anlagen am Föd
Solarpanö sovü wos geht
A sichere Mülldeponie
Mastn für d Netz Technologie
Fia Flüchtlinge a würdigs Heim
Fia d Jungen an Kulturverein
Vü mehr Spüplätz anstott Parkplätz
Und a ausgebautes Radnetz
Mehr klane Gschäft und jo, ma kennt a
Verbieten olle Einkaufs Centa
Ich sog mit stolz, i bin dafia
Jedoch ganz sicher ned bei mir
Aus: Gscheid Bled. Gereimte Dichtkunst vom Ollerfeinsten
BoD 2020, 130 Seiten
