I steh auf und leg mi nieda
hob ka Hockn und bin zwida
nur am Achtn kaun ich lachn
weu do gibt´s die Oarbeitslosn
und a Göd in meine Hosn
meine Schuidn zohl i a
drum is mei Beasl gaunz schnö la
des wiedahoid si imma wieda
I steh auf und leg mi nieda
hob kan Bock und bin nua zwida
jeda Tog geht ma aufd Eia
nur am Achtn gibt´s a Feia
und dazwischn weu i muass
sitz i hoid in so an Kurs
nur der mocht fia mi kan Sinn
weu i eh fost sechzig bin
und so rennt mei Lebn ins Zü
irgendwaun steht´s Herzal stü
nur bis durt geht´s hoit so weida
und es ändert si nix … leida
so steh i auf und leg mi nieda
hob ka Freid und bin nur zwida
grod nur aum Achtn kaun i lachn
weu daun loss i´s richtig krachn
die Zeit dazwischen kummt ma´s rean
und i wünsch ma nur ned oid wern
weu mit da Rentn liaba Schwan
bin i a im Oarsch daham
