(fast ein gedächtnisprotokoll)
personen: sie, sie2, er, er2
und ein abwesender
der eigentlich anwesend war
er: oiso geh, i maan
sie: wos is?
er: ah; nix
pause
er: oba scheh is des ned
sie: wosn schoh wieda?
er: na, wosd mochst
sie: und wos moch i jetzan?
er: naa, nix, oba
sie: wos wüüst eigentlich vo mia?
er: es gheat si ned!
sie: ha?
er: nau, waast
sie: heast wos, du trottl,
wüüst redn, oda wüüst mi roin ?
er: i hob nix gsogt
er2: i hob aa nix gsogt!
sie: des hea i eh grod
er: ma redt jo schoh
sie: wea redt? du redst;
und unnedich aa no!
er: unnedich aha; naa, i ned!
sie: daunn is guat!pause
er: naa, goa ned oba
sie2: nix oba und gusch!pause
er: aha i sog nua ea hot a frau
sie: waas i schoh
er2: und a gaunz a liabe
de hot mein hund so gean.
er: fuachtboa, des gaunze …
er2: und so liab is zu mein hund
so! jezd waast as hoffentlich
sie: gschissana, redst mit mia?
er: naa, naa!
er2: das a vaheirodt is!
sie: gusch!
er2: und soo liab zum hund!
sie2: gebn de no ollaweu kaa ruah?
sie: naa, heast as eh
sie 2: trink ma wos weus wuascht is
er: weus woa is
sie: weu du wuascht bist!
er: aha, i sog nix
er2: und i red jo nuapause
sie2: wos is mit de zwaa?
sie: iagndwos haums, oba i waas aa ned
er: a schaund is waast eh das a vaheirodt is?
sie: und ?
er2: hauma da jezd wos vaduabn? (kichert)
sie: naa, wiaso ?
er: va hei rat et is a
und dera is des wuascht!!
sie: eh is ma wuascht, du deppata
und i mecht gean wissn, wos di des augeht!
er: oisa, fuachtboa i sog nix mea
er2: mia sogn jezd goa nix mea!
sie: wiad guat sepause
er: wos wiadn des ?
sie: wos is jezd schoh wieda?
haums eich de tiasteck vasetzt,
sads wo augrennt, es zwaa trottln?
er: trottl, jo, aha, i sog nix mea!
er2: i aa ned!
sie: heast, is des wiaklich woa?
sie2: woat!
wos is mit eich, hobts a problem,
es wappla?
er: aha, wappla, ahapause
er: oba oag is des vo dia!
sie: wos sogst!? wos wüüst!??
du kriagst glei aane aufs hian!
aa waunns ned do is
er: i hob jo nix
sie: gusch, du oaschloch! auf des geh i haas!
east deppat de goschn aufreissn,
und daunn hobts kaane eia in da hosn,
das eich sogn trauts,
wos es deppatn vo mia woits!
er: ah, naa woa eh nix
sie: kumm umma!
speib di aus, du wiaschtl!
wos passt da ned? kumm! red!!
er: naa, i sog nix
er2: und i sog aa nix
sie: daunn hoits endlich eicha goschn!
i waas de gaunze zeit, das a vaheirodt is,
oba des is ma wuascht!
i mog eam,
und des aane hot mitn aundan
nix zum tuan
oba des kapiats es ned,
mit eichare fetznschädln!
ea is leiwaund und i mog eam
und ea is wichtig fia mi.
wichtigkeit is ned fickn!!!
sundan des gfüüh das di aana vasteht,
des gfüüh, waunn a nebn dia steht,
is ollas ok. kaa deppate red, kaa kraumpf,
kaa kaumpf
do kummst zu dia sööba!
oba es kapiats des ned oaschlecha!
ea schreibt und i schreib aa;
do kaunn ma dem aundan ind sööh
schaun und ned aufn beidl!
wie soll ich meine seele halten,
dass sie nicht an deine rührt?
wie soll ich sie hinheben über dich
zu anderen dingen?
ach, gerne möchte ich sie
bei irgendetwas verlorenem
im dunkel unterbringen,
an einer fremden stillen stelle,
die nicht weiterschwingt,
wenn deine tiefen schwingen.
doch alles, was uns anrührt,
dich und mich,
nimmt uns zusammen
wie ein bogenstrich,
der aus zwei saiten eine stimme ziehtpause
sie: des woa rilke, es oaschlecha!
fois den kennts
mia spüün ned mitn gfüüh,
und ned mitn sex
oba vialleicht aus gwohnheit
mitn leben
und jezd a aanzichs wuat no,
und i hob eich bei da huastn
und zaah eich vua de tia!pause
sie2: wos is, wo sans de deppatn?
sie: ohgrissn sans wira viazgazwian,
de höödn!
sie2: na, echte, hoate männa hoit
